Musa Qurbanlı “Qarabağ”dan “Yurqorden”ə transfer olundu.

“Football-plus.az”a transferlə bağlı maraqlı məlumatlar daxil olub. Əslində gənc forvardla Avropanın bir neçə klubu yaxından maraqlanırmış. Lakin sonda Stokholm təmsilçisinin lehinə qərar verilib. Bu keçidinin alınmasında əsas səbəbkar “mavi zolaqlar”ın baş məşqçisi Kim Berqstrand olub. İsveçli mütəxəssis Musa ilə videogörüntülü danışıb. Gənc futbolçu ilə bağlı bütün bildiklərini ona çatdırıb. Sanki Musa artıq “Yurqorden”in futbolçusu imiş təəssüratı yaradıb. Məhz bu amil milli üzvünün xoşuna gəlib. Yekunda menecerləri və atası Qurban Qurbanova İsveç klubuna transfer olunmaq istədiyini bildirib.

Bundan əlavə, “Yurqorden” Musa ilə 4 illik müqavilə bağlamaq istəyib. Lakin sonradan onun və agentinin istəyi ilə müddət azaldılıb. Yekunda azərbaycanlı forvardla 3 illik müqavilə bağlanıb.

Musanın müqaviləsində maraqlı bəndlər də var. Bunlar həm ona, həm də “Qarabağ”a sərf edir. Bu bonuslarla birgə gənc futbolçunun illik qazancı 200 min avro olacaq. “Yurqorden” “Qarabağ”a isə 500 min avroya yaxın ödəniş edib.

İLKİN SULTANLI