Yeni mövsümə hazırlıqlarını Türkiyədə davam etdirən "Turan Tovuz" bu gün ilk yoxlama matçına çıxıb.

"Football-plus.az" xəbər verir ki, Ayxan Abbasovun komandası Türkiyənin "Adana Demirpsor" klubu ilə üz-üzə gəlib. Superliqa təmsilçisi ilə görüş Bakı vaxtı ilə saat 19.00-da başlayıb. Matç tovuzluların 0:2 hesablı məğlubiyyəti ilə nəticələnib.

Qeyd edək ki, Adana təmsilçisini ötən illərin məşhur futbolçusu Patrik Klyuvert çalışdırır. Niderland millisinin və "Barselona"nın sabiq futbolçusu iyulun əvvəlində komandaya baş məşqçi təyin edilib.

Əlavə edək ki, "Turan Tovuz" iyulun 22-də "Eyübspor”la qüvvəsini sınayacaq. Komanda iyulun 27-də Tanzaniyanın "Simba" klubu ilə iki dəfə - səhər və axşam saatlarında üz-üzə gələcək.