“Turan Tovuz”un təlim-məşq toplanışı üçün Gürcüstana yollanmaq ehtimalının olduğunu xəbər vermişdik.

Məsələ ilə bağlı “Football-plus.az” saytına açıqlama verən komandanın baş məşqçisi Ayxan Abbasov da yaxın bir-iki gündə bu suala aydınlıq gələcəyini bildirmişdi.

Bu gün etibarlı mənbədən reaksiyamıza daxil olan məlumata görə, “boz qurdlar”ın qonşu ölkəyə yollanacağı dəqiqləşib. Qərblilər iyulun 20-si axşam saatların təyyarə ilə yola çıxacaq. Artıq biletlər də alınıb. Tovuz klubu qonşu ölkədə 3 yoxlama matçı keçirməyi planlaşdırır ki, qarşılaşmalar iyulun 23-ü, 26-sı və 29-na planlaşdırlıb. Ayxan Abbasovun çalışdırdığı komandanın 23-dəki rəqibi hələ məlum olmasa da, 26-da “Qaqra”, 29-da isə “Telavi” ilə üz-üzə gələcəyi dəqiqləşib.

Bu arada “Turan Tovuz”un düşərgəsinə yeni oyunçu qoşulub. 1999-cu il doğumlu Ayxan Hüseynov “Ximki”nin yetirməsidi. Sağ cinah yarımmüdafiəçi mövqeyində çıxış edən futbolçu ilə müqavilə bağlanacağı gözlənilir.

RƏŞAD