Ötən mövsüm heç də yaxşı çıxış etməyən "Mingəçevir"in hədəfi nədi? "Football-plus.az" saytı olaraq "işıqçılar"ın İdarə Heyətinin sədri vəzifəsini icra edən Ruslan Həmidovdan yenilikləri öyrəndik:
"Avqustun 1-də yığışacağıq. 10 gün seleksiya işləri aparacağıq. Sonra Mingəçevirdəki "Kür" otelində məskunlaşaraq təlim-məşq toplanışına start verəcəyik. 4 yoxlama oyunu keçirməyi planlaşdırırıq. Hazırda 10 oyunçu komandanı tərk edib. Əlimizin altında 10 futbolçu var. Daha 2 nəfər isə yerli gənclərdi, onları da cəlb edəcəyik. Futbolçu qıtlığı var.
Klubun maliyyə imkanı yüksək olmadığından istədiyimiz futbolçuları ala bilmirik. Ümumilikdə 6-7 futbolçu ilə danışıqlar gedir. Komandanı yenidən quracağıq. Çalışacağıq ki, 1-ci liqada layiqincə çıxış edək. Seleksiya işləri yekunlaşandan sonra hədəfləri müəyyənləşdirəcəyik".
ABDULLA İSMAYILOĞLU
