"Mingəçevir" 6 futbolçu ilə anlaşıb,8-ni yola salıb
"Yanvarın 10-da təlim-məşq toplamışına start verəcəyik və 17-nə kimi davam edəcək. Hazırlıq prosesi Mingəçevirdə baş tutacaq. Maliyyə durmumuz olduqca acınacaqlıdı. Buna rəğmən, rəhbərlik əlindən gələni edir. Birhəftəlik toplanış keçirə biliriksə, rəhbərliyin sayəsindədi. Onlara dərin təşəkkürümü bildirirəm”.
Bu sözləri “Football-plus.az”a açıqlamasında “Mingəçevir”in baş məşqçisi Şahruz Mustafayev dedi. Məşqçi komandasının 1-ci divizionun ikinci yarısına hazırlıqları barədə məlumat verdi:
“Hazırda əsas məqsəd yanvarın 17-nə kimi normal hazırlıq keçməkdi. Yoxlama görüşləri üçün axtarışımız davam edir. "Qəbələ-2" ilə danışıq aparsaq da, uğursuz oldu. Amma çalışacağıq ki, heç olmasa, iki-üç yoxlama oyununda qüvvəmizi sınamaqla 2-ci dövrə üçün heyəti formalaşdıraq. Mingəçevirdə və ətraf rayonlarda istedadlı uşaqları üzə çıxarmaq üçün seleksiya işləri aparırıq. Əsasən gənc, limitə düşən futbolçuları komandaya cəlb etməyə üstünlük veririk. "Kəpəz"dən Sənan Kərimovu, "Qəbələ"nin U-19-undan Eldar Tərlanovu, Region Liqasında mübarizə aparan "Veteran Tankçılar"dan isə Vahid İbrahimovla Əhmədli Kərəmi heyətə cəlb etmişik. Bundan başqa, doğma şəhərimizdən Toğrul Məmmədbəyliylə Elsevər Bəkirzadəni də sıralarımıza qatmışıq. Ümumilikdə komadaya 6 futbolçu cəlb etmişik, 8 oyunçunu isə yola salmışıq. İlk dövrədə iştirak ərzəmizdə 26 oyunçu vardısa, hazırda 24-dü. Komamdadan yola salınan 8 nəfərdən biri - Namiq İbrahimli ilə danışıq aparırıq. Ola bilər ki, komandada məşqçi kimi fəaliyyətini davam etdirsin".
ABDULLA İSMAYILOĞLU
Digər xəbərlər
