“Mən 15 ildi “Qəbələ”nin çörəyini yeyirəm. Bura isə yeni təyin olunmuşam. Təyinat alan kimi rəhbərlikdən necə forma tələb edə bilərəm? Buna baxmayaraq, “Mingəçevir”də də mənim bütün forma dəstlərim hazırdı. Sadəcə, komanda ilə işə, məşqlərə nə zaman başlayacağıqsa, onda da həmin formalardan istifadə edəcəm. İndi isə təsadüfi müsahibə oldu. Mən də köhnə geyimimdə olmuşam. Ona görə bu formada müsahibə verdim”.

“Mən komandanı çox çətin vəziyyətdə qəbul etmişəm. Ona görə hələ ki seleksiya xarakterli işlər planlaşdırırıq. Öncə planım odu ki, komandada limit məsələsini həll edək. Hazırda əsas problemimiz budu. İnşallah, yanvarın 3-də komanda yığışır. İstəyirik ki, limit problemini də həll edək. Çünki bu həddən artıq ciddi problemdi. Uşaqlar var ki, limitə görə ayrılmaq istəyirlər. Mən isə növbəti mövsümü düşünürəm. Bu il üçün onsuz da artıq qatar gedib. “Mingəçevir” 15 komandanın mübarizəsində 13-cü pillədə qərarlaşıb. Ona görə də yeni mövsüm üçün daha keyfiyyətli komanda formalaşdırmağı düşünürük. Yeganə fikrimiz odu ki, komandanı bu çətin vəziyyətdən çıxaraq. Bu haqda çox danışmaq da istəmirəm. Getmək istəyən futbolçulara da ayrılmamalarını, problemləri nədisə, onu həll edəcəyimizi demişəm. Limitə düşən gənc futbolçuları komandada saxlamaq istəyirəm. Belə desək, komandanı yenidən yığıram. Onsuz da “Mingəçevir”i qəbul edəndə bilirdim ki, vəziyyət yaxşı deyil. Yenə də əlimdən gələni etməyə çalışacam ki, bu vəziyyətdən çıxış yolu tapım”.