Tarixində ilk dəfə Türkiyəni avrokuboklarda təmsil etməyə hazırlaşan ''Adana Dəmirspor''dan maraqlı xəbərlər var. Ötən mövsümü 4-cü pillədə başa vurduqdan sonra Vinçentso Montella ilə yollarını ayıran Adana təmsilçisi baş məşqçi problemini həll edib.

"Football-plus.az" xəbər verir ki, Razvan Luçesku, Andrea Pirlo, Slaven Biliç kimi isimlərlə anlaşa bilməyən kollektiv bu vəzifəyə Patrik Klyuverti gətirib.

Müstəqil məşqçi kimi demək olar, təcrübəsi olmayan tanınmış niderlandlı futbol adamı ilə ikiillik müqavilə imzalanıb. Dünən Türkiyəyə ayaq basan Klyuvert hava limanında jurnalistlərə bunları deyib:

Baş məşqçi məsələsini yoluna qoyan Adana təmsilçisi indi də hücumü gücləndirmək istəyir. Adanalılar ötən mövsümün böyük hissəsini faktiki olaraq mərkəz hücumçusu olmadan keçirmişdilər. Rəhbərlik diqqətini dünyaca ünlü uruqvaylı forvard Edinson Kavaniyə yönəldib.

Prezident Murat Sancak Kavaninin həm qardaşı, həm də meneceri olan Valter Quqlemon ilə əlaqə saxlayıb. Quqlemon vaxtı ilə ölkəmizdə ''İnter'' və ''Neftçi''nin şərəfini qoruyub. Dünya futbolunun tanınmış simalarından olan və ''Napoli'', PSJ, ''Mançester Yunayted'' kimi klublarda forma geyən Kavani ötən mövsümü ''Valensiya''da keçirmişdi. 37 yaşlı hücumçunun ''yarasalar''la hələ birillik müqaviləsi olsa da, ispanlar onun xidmətində çox da maraqlı deyil.

Kavani ötən mövsüm 28 rəsmi oyuna cəmi 7 qol vura bildi. Yəni ''Adana Dəmirspor'' məhşur hücumçunu Türkiyəyə gəlməyə razı sala bilsə, ''Valensiya'' ilə anlaşmaq problem yaratmayacaq.

Hər halda Klyuvertin Adanaya gəlişi də bu transferdə mühüm rol oynaya bilər.