Mario Balotellinin Türkiyə macərası başa çatdı.

Məhşur italiyalı forvard ''Adana Dəmirspor''dan rəsmən ayrıldı. 32 yaşlı futbolçu karyerasını İsveçrədə davam etdirəcək. Belə ki, o, ''Syon''la ikiillik müqavilə imzalayıb. Türkiyə təmsilçisinin başqanı Murat Sancak daha öncə verdiyi açıqlamada ''Super Mario''nu 3,2 milyon avrodan aşağı qiymətə satmayacaqlarını demişdi. Amma isveçrəlilərin bu transferə görə yalnız 2 milyon 620 min avro ödədiyi məlum olub.

Xatırladaq ki, Balotelli Türkiyəyə ötən yay gəlmişdi. O, ''Adana Dəmirspor''un heyətində 35 rəsmi oyunda 19 dəfə fərqlənə bildi. Balotelli ən son ''Ümraniyəspor''la matçın ardından baş məşqçi Vinçentso Montella ilə gərginlik yaşamışdı. Bu olay onun Türkiyədən ayrılmasını bir qədər də sürətləndirdi.