"Danışıq apardığımız oyunçular olsa da, dəqiqləşən bir şey yoxdu. Hələ ki heyətə yeni futzalçı cəlb etməmişik. Razılıq əldə etməyə yaxın olduğumuz şəxslər var. Yəqin ki, yaxın günlərdə istəyimizə nail olarıq.

Yerli futzalçılardan Ramiz Çovdarovla yolları ayırdıq. Ukraynadakı müharibə ilə əlaqədar Almaniyaya köçən ailəsinin yanına yerləşdi. Özünün də Gürcüstan vətəndaşlığı var. Dediyinə görə, ordakı klublardan biri ilə danışıq aparır. Hər halda, razılaşarlar. Onun "Araz-Naxçıvan"la müqavilə müddəti mayın 31-də sona çatmışdı. Ramiz təcrübəli oyunçudu. Uğurlarını davam etdirə biləcəyinə inanıram. Yığmanın baş məşqçisi Vitali Borisov məsləhət bilsə, yığmaya da çağırılacaq.

İyulun 16-da komanda bir araya gələcək. Məşqlərə başlayacağıq. İyulun 20-30-u aralığında isə təlim-məşq toplanışlarında iştirak edəcəyik. Yoxlama oyunlarının keçirilməsi ilə bağlı Gürcüstan və Qazaxıstan klubları ilə danışıq aparırıq. Hələ ki razılıq əldə olunmayıb".