“Araz-Naxçıvan” rəhbərliyi Alesio ilə bağlı qərar verdi
Ölkəmizi futzal üzrə Çempionlar Liqasında təmsil edən "Araz-Naxçıvan" əsas mərhələdə fiasko ilə üzləşdi. Komanda keçirdiyi hər 3 oyunda uduzdu.
Bu gün isə bununla bağlı klub rəhbərliyi iclas keçirib. Toplantıda müzakirə olunan məsələlərlə bağlı "Araz-Naxçıvan"ın vitse-prezidenti Mahmud Sadıqovdan məlumat aldıq. Klub rəsmisi “Football-plus.az” saytına bunları söylədi:
"Bu gün geniş iclas keçirərək komandanın uğurusuz çıxışını müzakirə etdik. Alesionun hesabatı dinlənildi. Sonda belə qərara gəldik ki, braziliyalı mütəxəssislə yolumuza davam edək. Hazırda mövsüm davam edir, qarşıdan da millinin oyunları gəlir deyə, riskə getmədik. Bununla yanaşı, intizam tədbirləri də görüləcək. Turnirdə komandanı çətin vəziyyətdə qoyan bəzi futzalçılarla bağlı ciddi ölcü götürüləcək".
ABDULLA İSMAYILOĞLU
Digər xəbərlər
