“Çempionlar Liqasının finalına çox gözəl şəkildə evsahibliyi etdik. Həm UEFA, həm də finalın iştirakçıları bizə təşəkkürünü bildirdi. Hər şeydən məmnun qaldılar. İstanbul və ölkəmizin tanıtımı üçün də çox mühüm bir hadisə oldu. Çünki 120 ölkədən ümumilikdə 1 milyarddan çox insan bu oyunu izlədi. İndi də diqqətimizi başqa vacib məqamlara yönəldəcəyik. Uzun illərdi namizədliyimizi irəli sürsək də, AÇ-yə evsahibliyi etmək baxımından heç cür istəyimizə çata bilmirik. Bu dəfə çox iddialıyıq. Ya AÇ-2028-ə, ya da AÇ-2032-yə evsahibliyi etmık istəyirik. Oktyabrın 10-da nəticələr bəlli olacaq. O vaxta qədər üzərimizə düşən hər şeyi edəcəyik. İndi Riqaya yollanırıq. Daha sonra Samsunda Uelslə qarşılaşacağıq. Hədəfimiz bu 2 oyunda 6 xal qazanmaqdı. Bunu bacaracaq gücdəyik. AÇ-2024 bizim üçün çox önəmlidi. Çünki turnir Almaniyada keçiriləcək. Almaniya dünyada Türkiyədən sonra türklərin ən çox yaşadığı 2-ci ölkədi. Ştefan Kuntsla yola davam edib-etməməyimiz indi müzakirə olunası məsələ deyil. Əvvəlcə qarşıdakı 2 oyunu başa vuraq. Sonra hər şeyi dəyərləndirəcəyik. Pillə-pillə irəliləyirik. Əvvəlcə ÇL-in finalını təşkil etdik. İndi diqqətimizi yığmanın oyunlarına yönəldirik. Ondan sonra da bizi federasiyada prezident seçkisi gözləyir. Əsas odu ki, indi Kunts yığmanın başındadı və biz də onun arxasındayıq. Uğurlu olması üçün hər cür dəstək veririk. Nəticələr istədiyimiz kimi olmasa, onda oturub bəzi şeyləri müzakirə edəcəyik. Seçki haqda da zamanı gələndə danışacağıq. Namizəd varsa, bir an öncə ortaya çıxıb müraciətini etməlidi. Bunda heç bir problem görmürəm. Demokratik ab-havada yarışırıq”.