“Hazırlığımız plana uyğun şəkildə davam edir. Mən baş məşqçi vəzifəsinə gətirilərkən komandanın hesabında cəmi 1 xal var idi. Biz gələndən bəri geridə qalan 7 turda “Fənərbaxça” 16 xalla ən çox xal toplayan komandadısa, “Hatayspor” 13 xalla ikinci pillədədi (Bu müddətdə “Qalatasaray” 14 xal toplayıb – red.). Hədəfimiz 15 xal toplamaq idi. Yəni qarşıya qoyulan hədəfdən cəmi 1 xal geridəyik. Əslində “Hatayspor”da seçdiyim və tətbiq etdiyim sistem mənim oyun anlayışıma ziddi. Sadəcə, əlimin altında olan heyətə uyğun gələn ən yaxşı sistemdən yararlanmağa çalışıram. Yəni “Hatayspor” daha çox fiziki futbola və müdafiəyə önəm verir. Məşqlərdə bu məqamların üzərində işləyirik. Çünki oyunçular məhz buna uyğundu. Bəlkə də bu onlardan bəzilərinin xoşuna gəlmir. Amma doğru olan məhz budu. Geridən oyun qurmağa və hücuma qısa ötürmələrlə çıxmağa çalışsam, əvəzində çox qol buraxsam, bu sistemdən heç vaxt yararlanmaram. Oyunçularla aramızda münasibətlər çox yaxşıdı. Onlarla qardaş kimiyəm. Amma qışda heyəti imkan daxilində gücləndirməyə çalışacam. Açığı, futbolçu Volkan Dəmirəl olsaydım, indiki halımla, yəni məşqçi Volkan Dəmirəl ilə çalışmaq istərdim. Çünki mənim komandalarımda sərbəstlik və rahatlıq hökm sürür. Heç kimə heç nəyi məcbur elətdirmirəm. Oyunçu normal həyatında bir qədəh pivə və ya şərab içdiyi kimi, mənim topılanışımda da içə bilər. Bir qədəhdən heç kim sərxoş olmur! Bərtuğ Yıldırımın yeni Holann olmaq üçün hər cür göstəriciləri var. İş elə gətirdi ki, ona şans verməli oldum. Gənc oyunçu şans qazananda diqqət mərkəzində olur. Onu oynayatmayanda isə heç kimin diqqətini cəlb etmir. Fiziki durumu, cəldliyi, bitiriciliyi yaxşı səviyyədədi. Onu Türkiyə futboluna qazandırmağa çalışacağıq. Mənim heç bir idealım yoxdu. Özümdən örnək sayıla biləcək bir profil yaratmağa çalışıram. Yeganə hədəfim Türkiyə futboluna xidmət etmək və yeni oyunçular yetişdirməkdi. Məncə, legioner limiti sərbəst olmalıdı. Belə olsa, hər kəs ayağını yorğanına görə uzadar. Ən böyük arzum yığmanı çalışdırmaqdı. Allah o günləri mənə nəsib etsə, Türkiyəni ən doğru şəkildə necə təmsil etdiyimi hər kəsə göstərəcəm”.