“Qarabağ” iyunun 10-da yeni mövsümün hazırlığına başlayıb.

"Football-plus.az" xəbər verir ki, toplanışın ilk mərhələsi Bakıda baş tutacaq. İyunun 22-də komanda hazırlığın ikinci mərhələsi üçün Avstriyaya yollanacaq. Avstriya toplanışındakı rəqiblər və hazırlıq prosesinin müddəti barədə daha sonra məlumat veriləcək.

Bu arada Maksim Medvedevlə bağlı problem hələ də davam edir. Kapitan gələcəyi ilə bağlı özü qərar verməlidi. Ona yeni mövsümdə də “Qarabağ”da qalmaq təklif olunub. Lakin təcrübəli müdafiəçi məşqçiliyə başlamaq barədə də düşünür. Bu səbəbdən də tələsik qərar vermək istəmir. Onun iyunun 22-nə kimi “Qarabağ” rəsmilərinə son sözünü deyəcəyi gözlənilir.

İLKİN SULTANLI