Jurnalistlər U-21 ilə oyuna buraxılmayacaq
Yığma iyunun 6-dan toplanışa başlayıb. Ancaq bəzi futbolçular düşərgəyə qoşulmayıb.
AFFA-nın Mətbuat və İctimaiyyətlə Əlaqlər Departamentinin rəhbəri Firuz Abdulla “Futbol+”ə açıqlamasında kənarda qalanların yaxın günlərdə Canni de Byazinin sərəncamında olacağını söylədi:
“Koreyada legioner həyatı yaşayan Anton Krivotsyukla “Konyaspor”un şərəfini qoruyan Mahir Emereli ilə yanaşı, ölkə kubokunun finalında iştirak edən “Qəbələ”dən Emin Səfərov, “Neftçi”dən isə Emin Mahmudovla Höccət Haqverdi hələ toplanışa qatılmayıb. Səfərov bu gün (dünən), Mahmudovla Emreli sabah (bu gün), Höccət iyunun 9-da baş məşqçinin sərəncamında olacaq. Anton isə 12-də yığmanın məşqinə qoşulacaq”.
Estoniya ilə oyundan öncə Canni de Byazi yetirmələrini yoxlama oyununda sınayacaq. İyunun 10-da Bakı Olimpiya Stadionunda əsas milli ilə U-21 üz-üzə gələcək. Firuz bəyin bildirdiyinə görə, De Byazinin istəyinə uyğun bu matç media üçün qapalı olacaq. Baltikyanı ölkənin yığması ilə qarşılaşmadan bir gün öncə isə millinin açıq məşqi təşkil olunacaq.
RƏŞAD
Digər xəbərlər
