“San-Xose” ilə dünənki oyun “Edmonton”un hücumçusu Konnor Makdevid üçün xüsusi əhəmiyyət daşıyırdı.

"Football-plus.az" xəbər verir ki, kanadalı komandasının cari mövsümdəki son oyununda fərqlənsəydi, MHL-in bir mövsümündə qol sayına görə rekordu təkrarlayacaqdı. Makdevid buna qədər 64 qol vurmuşdu və daha bir qol onu MHL-in 21-ci əsrdəki rekordçusu Aleksandr Oveçkinə çatdıracaqdı. Rusiyalı ulduz 2007/08 mövsümündə rəqib qapılarından 65 qol keçirib. Yeri gəlmişkən, Oveçkin üçün də mövsüm bitdi. Onun şərəfini qoruduğu “Vaşiqnton”un Stenli kuboku uğrunda mübarizə aparmaq şansını itirdiyini xəbər vermişdik. Piter Laviolett cari mövsümdəki son oyunda əsas ulduzuna da şans verdi. “Nyu-Cersi” ilə oyunda məhsuldar ötürmə ilə yadda qalan Oveçkin cari mövsümdə xal sayını 75-ə (42+33) çatdırdı. Kapitanın 73 oyunda meydana çıxdığını da xatırladaq.