Xatırlayırsızsa, “Boston”un rekordlarıyla bağlı bilgi vermişdik. “Bryuinz” çərşənbə axşamı “Vaşinqton”u məğlub etməklə müntəzəm çempionatda xal sayını 133-ə (81 oyun) çatdırdı və MHL-in yeni rekordunu müəyyənləşdirdi.

"Football-plus.az" xəbər verir ki, əvvəlki rekord 1976/77 mövsümündə 80 oyunda 132 xal toplayan “Monreal”a məxsus idi.

Onda “Kanadiens” Stenli kubokunu da qazanmışdı. Cari mövsümdə hələ “Monreal”la səfər oyunu da qalan “Boston” qələbə sayında (64) da özünə məxsus olan MHL rekordunu yenilədi.

Ümumiyyətlə, müntəzəm çempionatında ötən həftə bütün əsas suallara aydınlıq gəldi. Son iki gündə “Florida” ilə “Vinnipeq” də Stenli kuboku uğrunda mübarizəni davam etdirmək hüququ qazandı. Beləliklə, Qərb konfransından pley-offa adlayan bütün komandalar bəllidi: “Kolorado”, “Dallas”, “Minnesota”, “Veqas”, “Edmonton”, “Los-Anceles”, “Sietl”, “Vinnipeq”. Şərq konfransından isə “Karolina”, “Nyu-Cersi”, “Reyncers”, “Boston”, “Toronto”, “Tampa-Bey” və “Florida”nın pley-offda iştirakı dəqiqləşib. Bu konfransdan sonuncu vəsiqəyə “Aylenders”lə (91 xal) “Pittsburq” (90 xal) iddialıdı. “Aylenders” son oyunda “Monreal”, “Pittsburq” isə “Kolambus” ilə qarşılaşacaq.