Makdevid möhtəşəmliyi: 170 xala çatdı!
MHL-də konfrans yarımfinalları davam edir.
"Football-plus.az" xəbər verir ki, bildiyiniz kimi, Şərq konfransında yarımfinal cütləri belədi: “Karolina” – “Nyu-Cersi”, “Toronto” – “Florida”. Qərbdə isə finala çıxmaq uğrunda “Veqas” “Edmonton”la, “Dallas” “Sietl”lə qüvvəsini sınayır. Srağagün “Edmonton” “Veqas”la seriyada hesabı bərabərləşdirdi. “Neftçilər”in qələbəsinə kapitan Konnor Makdevid iki məhsuldar ötürmə ilə töhfə verdi. Bununla da 26 yaşlı kanadalı cari mövsümdə müntəzəm çempionat və Stenli kuboku birlikdə nəzərə alınmaqla topladığı xal sayını 170-ə (69+101) çatdırdı. Makdevidin ümumilikdə 92 oyun keçirdiyini də xatırladaq. O, müntəzəm çempionatda keçirdiyi 82 oyunda 153 (64+89), pley-offda 10 oyunda 17 (5+12) xal toplayıb.
Makdevid MHL-də mövsüm ərzində 170 xal toplamağı bacaran 5-ci hokkeyçidi. Karyerasında 10 dəfə ən azı 170 xal toplayan Ueyn Qretskinin rekordunu kiminsə yeniləyəcəyinə inanmaq çətindi. Mario Lemye üç, Mayk Bossi ilə Yaromir Yaqr isə bir dəfə belə nəticəyə nail ola bilib.
Konnor “Veqas” üzərundə qələbəni belə şərh edib:
“Bu pley-offdu. Bir oyunda uduzursuz və məğlubiyyətin əvəzini çıxmaq istəyiniz artır. Pley-offda məğlubiyyət həmişə məyus edir. Belə oyunlarda ən yaxşı vərdişləri göstərmək lazımdı. Bu üzdən 5-ci görüşdə “Veqas”dan yaxşı oyun gözləyirəm. Elə özümüzdən də”.
“Edmonton”un baş məşqçisi Cey Vudkroft da “Veqas” üzərində qələbəyə toxunub:
“Bizim üçün böyuk qələbədi. Əminik ki, hakimin start fitindən final fitinə qədər, sərt, amma qaydalar çərçivəsində oynamaq lazımdı. Bugünkü planımız işlədi, uşaqlar sona qədər oyun planına sadiq qaldı”.
Mayın 12-də keçirilən oyunlara gəlincə, “Sietl”i məğlub edən “Dallas” seriyada önə çıxdı. “Karolina” isə “Nyu-Cersi”nin işini bitirdi və Şərq konfrasında finala yüksəldi. Bu komandanın rəqibi “Toronto” – “Florida” seriyasında müəyyənləşəcək. “Nyu-Cersi”nin baş məşqçisi Lindi Raff məğlubiyyətə özünəməxsus şəkildə reaksiya verdi:
“Pley-offda oynamağın nə demək olduğu, yüksəliş və enişlər ilə bağlı yaxşı təsəvvür əldə etdik. Hər iki seriyanın ilk iki oyununda məğlubiyyət bizə ağır zərbə oldu. Biz bunu gələcək adına dərs kimi qəbul etməliyik”.
2-ci mərhələ
11 may
Florida – Toronto 1:2 (0:0, 0:1, 1:1)
Seriyada hesab – 3:1.
Edmonton – Veqas 4:1 (3:0, 1:0, 0:1)
Seriyada hesab – 2:2.
12 may
Karolina – Nyu-Cersi 3:2 ОТ (0:1, 2:1, 0:0, 1:0)
Seriyada hesab – 4:1.
Dallas – Sietl 5:2 (2:0, 1:2, 2:0)
Seriyada hesab – 3:2.
Digər xəbərlər
