''Həmişə çalışmışam ki, hakimlik mövzusundan uzaq olum. Yalnız istisna hallarda bu haqda danışıram. İlk oyunda Kruniçin Bastoniyə qarşı kobudluğuna görə penalti təyin edilə bilərdi. Hesab 3:0 olsaydı, hər şey başqa cür olardı. Cavab oyununun hakiminə gəlincə, dostlarım mənə onun fransalı olduğunu xatırlatdılar. Eyni zamanda ''Milan''ın heyətində 4 fransalının olduğunu dedilər. Eybi yox, bizim üçün bu, problem deyil''. İnzaqinin bu sözləri ilə nə demək istədiyi tam aydın olmadı. ''Milan''ın yarımmüdafiəçisi Sandro Tonali isə ona maraqlı cavab verib. Jurnalistlər ondan İnzaqinin sözləri barədə nə düşündüyünü soruşanda futbolçu bunları deyib: ''Bu suala cavab vermək istəmirəm. Görünür, bundan sonra oyunlara elə hakimlər tapmaq lazımdı ki, onların milliyəti olmasın''.