Dünən Çempionlar Liqasının yarımfinalının ilk oyunu çərçivəsində ''İnter'' ''Milan''ı iki cavabsız qolla məğlub edərək final yolunda mühüm bir addım atdı.

"Football-plus.az" xəbər verir ki, son dönəmlərdə əzəli rəqibi ilə matçlarda üstünlüyə malik olan ''İnter'' maraqlı göstəriciyə imza atıb.

''Neradzurra'' ardıcıl 3-cü dəfə derbidə qol buraxmadan qalib gəlib. ''İnter'' ''Milan''ı fevralın 5-də A seriyasının 21-ci turunda 1:0, yanvarın 18-də isə superkubok uğrunda matçda 3:0 yenmişdi.

''İnter''in sonuncu dəfə ardıcıl 3 derbidə qol buraxmadan qalib gəlməsinə 43 il öncə - 1979/80 mövsümündə rast gəlinmişdi! Bundan başqa ''İnter'' tarixində cəmi 3-cü dəfə bir mövsümün gedişində ''Milan'' üzərində 3 qələbə qazanmış oldu. Daha öncə buna 1994/95 və 1973/74 mövsümündə (4 dəfə) rast gəlinmişdi.

ƏLİ