“İnter” Çempionlar Liqasında mübarizəni 1/8 finalda dayandırandan sonra Simone İnzaqinin aqibətinin necə olacağı sual doğururdu.

Bəzi mənbələr onun mövsümün sonunda baş məşqçi vəzifəsindən gedə biləcəyini iddia edirdi. Lakin rəhbərliyin bu mövzuda fikri tamamilə başqadı. Klub İnzaqi ilə müqaviləni yeniləmək qərarına gəlib. İtaliya mənbələrinin məlumatına görə, 45 yaşlı mütəxəssisə müddəti sonradan daha bir il uzadılmaq variantı ilə 2024-cü ili yayına kimi nəzərdə tutulan yeni təklif irəli sürülüb. İnzaqinin illik maaşının 4,5 milyon avrodan 5 milyona qədər artırılacağı da xəbər verilib.

Sabiq hücumçu komandanı 2021-ci ilin yayından çalışdırır. “İnter” hazırda A seriyasında 27 oyuna 58 xalla 2-ci yerdədi. Lider “Milan” isə 28 oyunda 60 xal toplayıb. Başqa sözlə, İnzaqinin komandası potensial liderdi.