Yunanıstan superliqasının 33-cü turunun PAOK – “Aris” matçını Əliyar Ağayev idarə etdiyini xəbər vermişdik.

Salonikidə keçirilən görüşdən sonra qonaqlar FİFA referisi ilə bağlı bəyanat yaymışdı. Klub hakimin idarəçiliyindən narazı qaldığını açıqlamışdı. Ümumiyyətlə, həmin qarşılaşma qalmaqallı keçib. Belə ki, 26-cı dəqiqədə meydan sahiblərinin azarkeşi topu yan xətdən oyuna daxil etmək istəyən qonaqların futbolçusuna şüşə butulka atıb. Lakin həmin əşya laysman Akif Əmirəlinin başına dəyib. Xoşbəxtlikdən referi ciddi xəsarət almayıb və mübarizə davam etdirilib.

"Aris" Əliyar Ağayevin rəhbərlik etdiyi azərbaycanlı hakimlər briqadasının idarəçiliyindən narazı qalsa da, Yunanıstan Futbol Federasiyası fərqli fikirdədi. Qurum həmyerlilərimizin işini yüksək qiymətləndirib. Bu, azərbaycanlı hakimlərin adı çəkilən ölkədə idarə etdiyi ilk oyun deyil və yerli qurumun Hakimlər Komitəsi Əliyar Ağayevin işindən razı qaldığını mətbuat vasitəsilə bildirib. Yunanların növbəti matçlar üçün də Əliyara və briqadasına dəvət göndərəcəyi gözlənilir.

Başverənlərə Əliyar Ağayevin reaksiyası maraq doğurmaya bilməz.

"Football-plus.az" olaraq bunu nəzərə alaraq FİFA referisi ilə əlaqə saxladıq. Ondan “Aris”in bəyanatına münasibət bildirməsini istədik: