“Milan”ın Rafael Leao ilə müqaviləni yeniləmək istədiyi çoxdan məlumdu. Rəhbərlik hələ də onu yola gətirə bilməyib.

Portuqaliyalı futbolçu rəhbərliyə şərt irəli sürüb. O, yeni anlaşmaya razılıq verməyə hazırdı, bunun üçün məvacibinin əhəmiyyətli dərəcədə artırılmasını tələb edir. Mövcud müqaviləyə əsasən ilə 1,5 milyon avro qazanan Rafael maaşının 7,5 milyona qədər artırılmasını istəyir. Yerli mənbələr bu şərtin klubu çətin vəziyyətə saldığını vurğulayır.

Xatırladaq ki, Rafael A seriyasının son mövsümünün ən yaxşı oyunçusu seçilib. O, “Milan”ın 11 ildən sonra skudettonu qazanmasında 11 qol və 8 məhsuldar ötürmə ilə rol oynayıb. Komandaya 2019-cu ildə “Lill”dən transfer olunan Leao İtaliya çempionatında 100 oyuna 26 qol vurub.