“Təəssüflə vurğulamaq istəyirik ki, bəzi insanlar vaxtaşırı Gəncənin futbol ictimaiyyəti, ziyalıları adından danışmağa səy göstərir, açıqlamalar verirlər. Və mövcud durumu yanlış istiqamətə yönəltməyə çalışırlar. Xoş olmayam, həqiqəti əks etdirməyən fikirlər səsləndirirlər. Çox şükür, bu gün “Kəpəz”də bütün işlər axarına düşüb. Komandanın maliyyə vəziyyəti sabitləşib, futbolçular, klub əməkdaşları mükafatları da vaxtında ala bilirlər.Mükafat məsləsinə gəlincə, hər bir klubda onun ödənilməsi zamanı var. Bizdə də futbolçular uğurlu nəticədən sonra vəd olunan mükafatı bir həftədən sonra alırlar. Bu yöndə gecikmə yoxdu. Maaşlar isə həmişə ayın 15-dən sonra verilir. Bu ayın 17-si, 20-də ola bilir. Yalnız bir dəfə - məvacibin ödəniləcəyi günlər novruz bayramına təsadüf etdiyindən və ölkədə 9 qeyri-iş günü olduğundan maaşlar bir qədər yubandı.
Klub rəhbərliyinin ünvanına yönələn açıqlamalar da reallığı əks etdirmir. Bu gün klubun başında işi və atdığı addımlarla hamının hörmətini və rəğbətini qazanan bir insan durub. Kluba sponsor axtarışında klub rəhbəri kimi İlqar Nadiri də iştirak edir. “Kəpəz”dən sponsorların uzaq düşməsini İlqar müəllimlə əlaqələndirmək realllığı əks etdirmir. O klub rəhbəri kimi “Kəpəz”ə sponsorların cəlb olunaması üçün gecə-gündüz çalışır. Yaxşı olardı ki, Şahin Verdiyev komandamıza əlavə maliyyə dayaqlarının tapılmasında yardımçı olardı. Belə açıqlamalarla ab-havanı korlamaq lazım deyil. Bu gün bir nəfərin Gəncənin futbol ictimaiyyəti, ziyalıları adından danışması düzgün deyil. Çempionat sona yaxınlaşır. “Kəpəz”in premyer-liqada qalması məsələsi gündəmdədi. Bu reallaşcağı halda növbəti mövsümün planları cızılacaq. Biz bir daha təəssüflə qeyd edirik ki, bu cür söz-söhbətlər mövsümün əvvəlində olduğu kimi ortasaında və sonunda yenidən müəyyən qüvvələr tərəfindən gündəmə gətirilir”.