Dünən baş tutan “Səbail” – “Kəpəz” matçından sonra qan töküldüyünü xəbər vermişdik.

Xatırladaq ki, “ASCO Arena”da baş tutan görüşdən sonra hər iki komandanın azarkeşləri arasında insident yaşanmış, kütəlivi dava zamanı “dənizçilər”in adı çəkilməyən azarkeşi “sarı-göylər”in fanatına bıçaqla xəsarət yetirib.

Dünən “Kəpəz”in İdarə Heyətinin sədri İlqar Nadiri, Milli Məclisin Gəncədən olan deputatı Müşfiq Cəfərov, komandanın baş məşqçisi Tərlan Əhmədov və gəncəli azarkeşlər Rahib adlı azarkeşi tək buraxmayaraq əməliyyatdan sonra yanında olublar.

“Footbal-plus.az” xəbər verir ki, bu gün isə “Səbail”in baş məşqçisi Şahin Diniyev və klubun rəsmisi Zamiq Hüseynov yaralanan azarkeşə baş çəkiblər. Rahibə şəfa diləyən klub nümayəndələri ona tezliklə ayağa durmağı arzulayıblar.

RƏŞAD