Gəncənin iş adamları “Kəpəz”ə görə bir araya gəlir
Qəzetimizin ötən sayında Futbolun İnkişaf Fondunun "Kəpəz"ə sponsor axtarışında olduğunu və Gəncə təmsilçisinin martın 9-da bununla bağlı tədbir keçirəcəyini yazmışdıq.
Görəsən, tədbirə kimlər dəvət olunacaq? Gəncənin icra başçısının da iştirakı gözlənilirmi? Ümumiyyətlə, hansı mövzular ətrafında müzakirələr aparılacaq? Bu suallara cavab tapmaq üçün "Kəpəz"in İdarə Heyətinin sədri İlqar Nadiriylə əlaqə saxladıq:
"Bildiyiniz kimi, Futbolun İnkişaf Fondunun təşəbbüsüylə komandamıza sponsor axtarışındayıq. Martın 9-da keçiriləcək tədbirə əsasən Gəncədən olan zəngin iş adamları, sahibkarlar dəvət olunub. Əsas məqsəd onlarla müzakirə aparmaqla komandamıza sponsorluq etmələrinə nail olmaqdı. Gəncənin icra başçısı Niyazi Bayramov da tədbirimizə gələcək. Bundan başqa, şəhərin ictimai xadimləri, futbol veteranları, o cümlədən İsgəndər Cavadov da dəvət olunub".
ABDULLA İSMAYILOĞLU
Digər xəbərlər
