“Mən, Şahin Verdiyev “Kəpəz”in sadiq və stajlı azarkeşiyəm. Klubun bu gün acınacaqlı vəziyyətdə olması mənə pis təsir edir. Stadionun durumu bərbad, komandaxili ab-hava ondan da pis. Klubda dedi-qodu, xoşagəlməz söz-söhbət bitmək bilmir. Klubda, demək olar, hamı bir-birinin dalınca qeybət edir. “Kəpəz”in Gəncədən uzaq düşməsi azmış kimi, komandaya vəd olunan mükafatlar da verilmir. Bütün bunlara səbəb futboldan və idarəçilikdən çox uzaq olan klubun İdarə Heyətinin sədri İlqar Nadiridi. “Şamaxı” ilə matçdan sonra komandanı səfərə aparan avtobus xarab olub. Belə vəzyyətdə İlqar bəy komandanı Şamaxıda başlı-başına buraxaraq öz avtomobilinə minib ərazini tərk edib. Yaxşı ki, komandaya canı yanan insanlar, başda baş məşqçi Tərlan Əhmədov olmaqla başqa maşınlar tutaraq komandanın yarısını Gəncəyə, yarısını da Bakıya yola salıb. Nadiri mükafatları verə bilmir, klubun hesabatları müəyyən olunan vaxtda AFFA-ya təqdim olunmur. Və bunun da nəticəsi kimi kollektiv maaşını ala bilmir. Gəncənin ziyalıları, futbol ictimaiyyəti adından İlqar bəydən xahiş edirik. Nə qədər gec deyil, öz ərizənizlə postunuzdan gedin. Əsks halda şəhərin futbol ictimaiyyəti aidiyyatı qurumlara şikayət edəcək. Bəlkə də başqa sahədə özünü yaxşı göstərə, daha keyfiyyətli işlər görə bilərsən. Sponsorların “Kəpəz”dən uzaq düşməsinin əsas səbəbi də klubun rəhbərliyində naşı insanların olmasıdı”.