Premyer-liqada qalmaq uğrunda mübarizə aparan “Səbail”də böyük dəyişikliklər astanasındadı.

“Football-plus.az” xəbər verir ki, “dənizçilər”in Xaçmaza köçmək ehtimalı var. Bu barədə redaksiyamıza maraqlı informasiya daxil olub. Artıq bu prosesə start verilib. Belə ki, “gəmiçilər”in adı çəkilən rayonda bazası tikilir. Komanda Xaçmaza 2024-ün sonu, 2025-in əvvəlində köçəcək. Burda yeni stadion inşa edilərək komandanın istifadəsinə veriləcək.

ASCO yenə də kluba sponsorluq edəcək. Amma büdcə azalacaq. Dövlətin ayırdığı maliyyə yardımından əlavə, şirkət də 2 milyon manat verəcək. Qısası, klub 5 milyon manat büdcə ilə premyer-liqada çıxış edəcək. Mənbənin məlumatına görə, bu proseslər 2025-ci ilə yekunlaşacaq. Komandanın hansı adla çıxış edəcəyi hələ ki bəlli deyil.

İLKİN SULTANLI