Neçə vaxtdı futbol ictimaiyyəti arasında dövlət tərəfindən premyer-liqa klublarına maliyyə ayrılacağı ilə bağlı söz-söhbət dolaşsa da, bu yöndə heç bir yenilik yox idi.

Ancaq deyəsən, buz yerindən tərpənib. Bugünlərdə “Futbol+”ə daxil olan məlumata görə, AFFA artıq dövlətin ayırdığı vəsaiti klubların hesabına köçürməyə başlayıb. Birinci avqust üçün ödənişlər edilib. Söhbət 230 min manatdan gedir. Yardımın ümumi məbləği isə 2 milyon 300 min manat təşkil edəcək və sözügedən maliyyə 10 aya bölünərək klublara veriləcək.

Klubların nəzdində fəaliyyət göstərən akademiyalar da unudulmayıb. Onlara da hər ay 30 min manat ayrılması nəzərdə tutulub. Göstərilən məbləğ aşağı yaş qruplarının saxlanılması, məşqçi-texniki heyətin əməkhaqqının ödənilməsi, o cümlədən səfər xərclərinin qarşılanması üçün nəzərdə tutulub.
Birinci divizion təmsilçilərinin hesabına isə assosiasiya tərəfindən hər ay 20 min manat köçürüləcək.

RƏŞAD