''Beşiktaş'' Artur Masuaku ilə bağlı yekun qərarını verdi.

"Football-plus.az" xəbər verir ki, mövsümün əvvəlində ''Vest Hem''dən icarəyə götürülən konqolu futbolçunun müqaviləsində 25 matçda start heyətində oynamaqla bağlı maddə var idi.

Bu maddə yerinə yetirildikdə İstanbul nəhəngi avtomatik olaraq sol cinah müdafiəçisini 2,2 milyon avroya daimi əsasda almalı idi. Masuaku ilk vaxtlar öz oyunu seçilməsə də, Şenol Günəşin təyinatından sonra bütün komanda kimi onun da performansı artdı.

Sabah ''Trabzonspor''la qarşılaşma Masuakunun start həyətindəki 25-ci oyunu olacaq. Rəhbərlik Şenol Günəşin razılığı ilə ''Vest Hem''lə anlaşaraq futbolçunun transfer qiymətini 2 milyon avroya endirib. Beləliklə, Masuaku ilə ən qısa müddətdə ''2+1'' illik müqavilə imzalanacaq. Onun illik qazancı bu mövsümkü kimi, yəni 1,3 milyon avro həcmində qalacaq.

Masuaku bu mövsüm ''ağ-qaralar''ın heyətində 26 rəsmi oyunda forma geyib və 2 qol, 4 məhsuldar ötürmə ilə fərqlənib.