Şahin Diniyev: “Sevincimi onunla bölüşmək istədim”
Premyer-liqanın 29-cu turunun "Səbail" - "Sabah" görüşündə Şahin Diniyev qələbə qoluna sevincini akademiyanın uşaqları ilə bölüşdü.
Baş məşqçinin həmin anla bağlı təəssüratı belə oldu:
"Əvvəldən sona qədər akademiyamızın uşaqları da matçı həyəcanla izləyirdi. Onlardan biri hər qol imkanını boşa verərkən həyəcanlanırdı, məyus olurdu. Mən də oyunun gedişində həmin uşağın başını sığalladım. Uzatma dəqiqələrində qələbə qolunu vurandan sonra çox sevindim, elə həmin an da uşaq yadıma düşdü və sevincimi onunla bölüşmək qərarına gəldim. Yaxınlaşıb onu qucaqladım".
ABDULLA İSMAYILOĞLU
Digər xəbərlər
