Misli premyer-liqasının 3-cü turunun mərkəzi oyununda "Sabah"la "Neftçi" üz-üzə gələcək.

Football-plus.az xəbər verir ki, hər iki komanda mövsümə iddialı və qələbələrlə başlayıb. Hazırda həm "bayquşlar"ın, həm də "ağ-qaralar"ın xalı bərabərdi, sadəcə, top fərqinə görə Masazır təmsilçisi liderdi. Görəsən, matçın favoriti kimdi? Görüşdə hansı komanda qələbə qazanacaq. Suallarımızı Şahin Diniyevə ünvanladıq. Təcrübəli mütəxəssis azarkeşləri maraqlı oyunun gözlədiyini bildirdi:

"Neftçi" Konfrans Liqasında mübarizəni dayandırandan sonra bütün diqqətini ölkə çempionatına yönəldib. "Sabah" da heyətini səviyyəli legionerlərlə gücləndirərək cari mövsümdə medal qazanmağa iddialıdı. İki lider komanda qarşılaşacaq. Hansının daha şanslı olduğunu söyləmək çox çətindi. Mövsüm yeni başlayıb, cəmi iki tur arxada qalıb. Ən azı 6-7 tur keçməlidi ki, kimin daha “iştahlı” olduğunu bilinsin. Düşünürəm ki, "Sabah" - "Neftçi" matçında şanslar 50-nin 50-yədi. Bizi rəngarəng oyun gözləyir".