“Fənərbaxça” rəhbərliyi maraqlı addım atıb.

"Football-plus.az" xəbər verir ki, klub meydana yad cisimlər atan həmin azarkeşləri taparaq onlardan 7-nin ömürlük “Ülkər” stadionuna girişinə qadağa qoyub!

Burda söhbət təkcə UEFA-nın verdiyi para cəzasından getmir. Fanatların “Sevilya” ilə qarşılaşmada meydana yad əşyalar atması hətta baş məşqçi Jorje Jezuşu da özündən çıxarmışdı.

Məsələ burasındadı ki, “Fənər” 2-ci hissənin əvvəllərində rəqib üzərində böyük təzyiq qurduğu və özünə hava-su kimi lazım olan qolu vurmağa çalışdığı bir məqamda həmin azarkeşlər heç bir ciddi səbəb olmadan “Sevilya”nın qapıçısı Dmitroviçə yad cisimlər atmışdılar. Serbiyalı qapıçı da vaxtı uzatmaq üçün sanki elə bu məqamı gözləyirdi. Onun özünü yerə atması üzündən oyun 6 dəqiqəlik dayanmış və “Fənər” qalan dəqiqələrdə rəqib üzərində həmin təzyiqi qura bilməmişdi.