Turanın məğlubiyyət şərhi
"Turan Tovuz" - "Sumqayıt" oyununun 42-ci dəqiqəsində "boz qurd"un müdafiəçisi Piruzi Marakvelidze zədələnərək Turan Vəlizadəylə əvəzləndi. "Football-plus.az" saytı olaraq "6 nömrə"nin matçla bağlı fikirlərini öyrəndik:
"Pis oynamadıq. Xeyli qol imkanları qazansaq da, cəmi ikisini qola çevirə bildik. Rəqib isə fürsətlərdən maksimum istifadə edərək önə çıxdı və hesabı qoruya bildi. Məncə, rəqibdən üstün oynadıq, hesabda uduzduq".
Turan Vəlizadə komandada arxayınlaşmanın olmadığını dedi:
"6-cı pillədə qərarlaşmağımız hələ elitada qalmağı təmin etmək demək deyil. Qarşıda hələ 8 oyunumuz var. Ayxan müəllimin çempionatın startından bizə aşıladığı fəlsəfənin əsaslarından biri arxayınlığın yolverilməzliyidi. Ona görə hər bir futbolçu məsuliyyətini dərk edir. Komandada arxayınlıq yoxdu".
ABDULLA İSMAYILOĞLU
Digər xəbərlər
