"Əvvəla, bizə dəyər verərək millimizin oyunlarına dəvət etdikləri üçün AFFA-ya təşəkkürümü bildirirəm. Belə nəticə gözləmirdik. Ötən il millimizin son oyunlarda 5 qələbə qazanması bizi ümidləndirmişdi. Avstriya və İsveçlə oyunların ilk 20-30 dəqiqəsində yaxşı çıxış etdilər.

Təəssüf ki, bizə xoş olmayan nəticələlər qeydə alındı. Bunun əsas səbəbi futbolçularımızdı. AFFA oyunçulara hər cür şərait yaradıb. Qalır meydanda milli ruhla döyüşmək. Amma futbolçularımız bunu bacarmır. Onların çoxu hələ də anlamır ki, ölkənin əsas komandasının formasını geyinib, himnini oxuyursansa, bunun məsuliyyətini dərk etməlisən".

"Komandamız bacardığı qədər döyüşür, savaşır. Yeni yaranan klubuq, "Sumqayıt" isə yetərincə təcrübəli komandadı. Yaxşı oynasaq da, məğlub olduq. Turnir cədvəlində hazırkı mövqeyimiz o demək deyil ki, 100 faiz elitada qalmağı təmin etmişik. Hələ qarşıda ağır 8 tur var, arxayınlaşmamalıyıq. Hər bir oyuna qələbə əzmiylə çıxıb xal və xallarımızı qazanmalıyıq. İnanıram ki, sonda adımıza və gücümüzə layiq yeri tutacağıq".