"Turan Tovuz" sıralarına daha bir futbolçu qatıb.

Football-plus.az xəbər verir ki, məlumatı klubun mətbuat xidməti yayıb. Bölgə təmsilçisi 23 yaşlı müdafiəçi Ben Aziz Daonu transfer edib. Oyunçu ilə 1 illik müqavilə imzalanıb.

O, ölkəsində “Salitas”, “Santos”, “Duan”, Qanada “Akkra Layons”, Belarusda “Slutsk” və “Smorqon” komandalarında çıxış edib. Dao Burkina Fasonun 20 yaşlılardan ibarət milli komandasının da şərəfini qoruyub.

Qeyd edək ki, yeni mövsümdə Misli premyer-liqasında mübarizə aparacaq "Turan Tovuz" daha əvvəl Kamal Bayramov, Şəhriyar Əliyev, Tərlan Quliyev, Tərlan Əhmədli, Şakir Seyidov, Veysəl Rzayev, Xəyal Nəcəfov, Turan Vəlizadə, Eltun Turabov, Ehtiram Şahverdiyev, Piruzi Marakvelidze, İmeda Aşortia, Ayxan Hüseynov, Cavid Tağıyev, Vüsal Məsimov, Natan Oduva, Nazim Həsənzadə, Sadiq Quliyevi heyətinə cəlb edib.