Türkiyədə zəlzələnin yavaş-yavaş unudulması və mövsümün bərpa olunması ilə nəhənglərin belə desək, əsil siması yenə üzə çıxmağa başladı.

"Football-plus.az" xəbər verir ki, yenə atmacalar, hakimlikdən narazılıqlar və gərgin ab-hava baş qaldırdı. Zəlzələ zamanı xatırlayırsza, bütün ölkə, eləcə də futbol fanatları, birlik, bərabərlik nümayiş etdirmişdi. Amma bunlar süni dostluq görüntüləri imiş. Ardıcıl 14 həftə qalib gələrkən hakimlikdən bir dəfə də şikayətlənməyən ''Qalatasaray'' ''Konyaspor''a uduzan kimi dərhal hakimliyi ortaya atdı. Elə ''Fənərbaxça'' da son oyunda ''Alanyaspor''la matçın fasiləsində və final fitindən sonra hakimliklə bağlı paylaşımlar etdi.

''Qalatasaray'' başqanı Dursun Özbək, ''Fənərbaxça'' başqanı Əli Koç, yönəticisi Burak Kızılhan, baş məşqçisi Jorje Jezuş, eləcə də ''İstanbul BŞ''nin çalışdırıcısı Əmrə Belözoğlu Nizam-intizam Komitəsinə sövq edilib! Nəhənglər arasında söz davası isə davam edir. Dünən keçirdiyi mətbuat konfransında ''Cim-Bom''un başqanı Dursun Özbək həm hakimlik, həm Hakimlər Komitəsinin yeni sədri Lalə Orta ilə bağlı sərt açıqlamalar verdi. Bundan sonra ''Fənərbaxça'' loru dildə desək, yenə ''Qalatasaray''ı görüşə çağırdı! Bu, artıq ilk belə hal deyil. Əvvəllər də ''Fənərbaxça'' başqanı Əli Koç dəfələrlə həmkarı Dursun Özbəki kimin daha çox hakim haqsızlığına məruz qaldığını müəyyənləşdirmək üçün istənilən platformada, hətta ''Qalatasaray TV''nin canlı yayınında üzbəüz görüşə çıxmağa çağırmışdı. Bu dəfə də belə oldu. Amma adəti üzrə qarşı tərəf yenə Koçun təklifini geri çevirdi. Özbək onun cavabını belə verdi: