Türkiyə futbolu ilə bağlı maraqlı xəbər var.

"Football-plus.az"ın məlumatına görə, Türkiyə klublarının əcnəbi investorlara satılması prosesi deyəsən yavaş-yavaş sürətlənir.

Bu məsələnin əsası keçən il ''Göztəpə''nin satılması ilə qoyulmuşdu. 2022-nin avqustunda danimarkalı iş adamı Rasmus Ankersenə məxsus ''Sport Republic'' şirkəti 1-ci liqada çıxış edən İzmir təmsilçisinin səhmlər paketinin 70 faizini almış və klubun yeni sahibinə çevrilmişdi. Türkiyə futbolunda ikinci bir əcnəbi şirkət peyda ola bilər. Şaiyələrə inansaq, Almaniyanın məhşur şirkətlərindən biri ''İstanbul BŞ''nin səhmlərinin 40 faizini almaq üçün klub prezidenti Göksəl Gümüşdağ ilə danışıqlara başlayıb. Şirkətin nümayəndələri ötən həftəsonu danışıqlar üçün İstanbula gəlibmiş.

Şirkətin adı açıqlanmasa da, deyilənə görə o, bundesliqa təmsilçisi Münhenqladbax ''Borussiya''sının da səhmlərinin bir hissəsinə sahibdi