Türkiyənin köklü klublarından olan ''Göztəpə''in danimarkalı iş adamı və yazıçı Rasmus Ankersenə satılması prosesi nəhayət rəsmiləşdi.

Football-plus.az xəbər verir ki, 4 aydan çoxdu aparılan danışıqlar dünən yekunlaşdı. Klub səhmlərinin 70 faizinin Ankersenin baş direktoru olduğu ''Sport Republic'' şirkətinə satıldığını açıqladı. Bununla da 39 yaşlı Ankersen Türkiyə futbolu tarixinə ilk xarici sərmayəçi kimi düşdü! Dünən ''Göztəpə''nin ev oyunlarını keçirdiyi ''Gürsel Aksel'' stadionunda bununla bağlı tədbir keçirildi. Tədbirdə Ankersenlə yanaşı ''Göztəpə''nin artıq sabiq başqanı Mehmet Sepil, eləcə də ''Sport Republic''in prezidenti Henrik Kraft da iştirak etdi.

Xatırladaq ki, ötən mövsüm superliqanı tərk edən ''Göztəpə'' hazırda 1-ci liqada çıxış edir. Ankerseni dinləyək: ''Bu gündən etibarən bizim üçün çətin dönəm başlayır. ''Göztəpə'' üçün ötən mövsüm ağır keçdi. Amma komandanın güclü azarkeş dəstəyi, müasir stadionu və əla bazası var. Məhz bu məqamlar bizim diqqətimizi və marağımızı çəkdi. Türkiyə böyuk potensiala malik ölkədi. 80 milyon əhalisi var və demək olar hamı futbol xəstəsidi. Çox şey futbol yolu ilə həll olunur. Bu baxımdan burda futbola qoyulan vəsait önəm daşıyır. Buranın potensialı bizi həyəcanlandırır''. Qeyd edək ki, ''Sport Republic'' bu ilin yanvarında premyer-liqa təmsilçisi ''Sauthempton''un da səhmlərinin böyük hissəsini ələ keçirmişdi. Sövdələşmənin ardından ''Sauthempton'' ''Göztəpə''yə ''Sport Republic'' ailəsinə xoş gəldiz'' mesajı göndərdi.