Futbolun İnkişaf Fondunun (FİF) daha bir layihəsi başa çatıb.

Football-plus.az xəbər verir ki, söhbət “Turan100k” layihəsindən gedir. Qurumun bu işi də uğurlu alınıb. FİF “Turan Tovuz” üçün avtobus alıb. Nəqliyyat vasitəsi bu gün Bakı Olimpiya Stadionuna gətirilib. Avtobusun vinilləri vurulub. Qurum sabah keçiriləcək AFFA-nın İcraiyyət Komitəsinin iclasından sonra nəqliyyat vasitəsinin görüntülərini ictimaiyyətə təqdim edəcək.


Maraq üçün qeyd edək ki, “Turan100k.az” saytında da piksel almaq prosesinə və burda adları qeyd olunan şəxslərin siyahısına daxil olmaq olmur. Bu da informasiyamızı təsdiq edir.

Qeyd edək ki, bu, FİF-in “Turan Tovuz” üçün həyata keçirdiyi ikinci uğurlu layihədi. Belə ki, daha öncə qurum “Hünər Group”la klub arasında baş sponsorluq müqaviləsinin bağlanmasında vasitəçi olmuşdu.

İLKİN SULTANLI