Premyer-liqanın 24-cü turunda "Şamaxı" "Səbail"i 2:1 hesabı ilə məğlub edib.

"Football-plus.az" xəbər verir ki, görüşü izləyənlər arasında AFFA prezidenti Rövnəq Abdullayev də olub.

Qurum rəsmisinin Şamaxıya səfəri ictimaiyyətdə maraq doğurmuşdu. Redaksiyamıza bununla bağlı informasiya daxil olub.

Əldə etdiyimiz məlumata görə, şəhərdə fəaliyyət göstərən şirkətlərdən biri "Şamaxı"ya sponsor ola bilər. Adı açıqlanmayan şirkətin rəsmiləri tərəddüd edirlər. Rövnəq Abdullayev də şəxsən özü məsələyə müdaxilə edərək əhatə dairəsi böyük olan şirkəti futbola cəlb etmək niyyətindədi.

Şirkət rəsmiləri "Şamaxı"nı premyer-liqanı tərk etməyə əsas namizədlərdən biri hesab etdikləri üçün konkret qərar verməyiblər.

İLKİN SULTANLI