"Çətin oyun olacağını bilirdik. İki əsas futbolçumuz “Neftçi-2” ilə əvvəlki turda qırmızı vərəqə aldığına görə matçı buraxırdı. Rəqib də evdə mübariz oynayan komandadı. Bunun nəticəsində hələ ki dogma meydanda uduzmayıblar. Əvvəlki matçda məğlub olduqlarından meydana aqressiv çıxmışdılar. Həmçinin çempionatda komandalar bizə qarşı xüsusi motivasiya və əzmlə oynayırlar. Heyətdə bəzi rotasiyalara əl atmışdıq. Elə futbolçular vardı ki, ilk dəfə şans qazanırdı. Oyuna pis qoşulmadıq, erkən qol vurduq. İlk hissədə meydanda dominantlıq etdik, qol imkanlarımız oldu. Fürsətlərdən yararlansaydıq, böyükhesablı qələbə də qazana bilərdik. İkinci hissəyə də pis başlamadıq, amma yenə fürsətləri qaçırdıq. Bundan istifadə edən rəqib təzyiqi artırdı və imkanlardan yararlanaraq 2 qol vurub qalib gəldi. Hər oyun bizim üçün təcrübədi. Bir müddət istirahət edib, sonra təlim-məşq toplanışına başlayacağıq. Maksimum yaxşı hazırlaşmaqla 2-ci yarıda daha inamlı çıxışa fokuslanacağıq".