“Red Bull”un məsləhətçisi Helmut Marko komandanın növbəti mövsüm üçün perspektivləri haqda danışıb:

“Bəli, hər iki titulu qorumaq istəyirik. Ancaq 2022-ci ildə olduğu kimi dominant mövsüm keçirəcəyimizi gözləmirəm. Komanda strukturunu, pilotların şəxsi və idman keyfiyyətlərini nəzərə alsaq, ən güclü rəqibimiz “Mersedes” olmalıdı. Bu komanda ötən illərdə strategiya baxımından çox yaxşı olduğunu göstərib. Rassell güclənir və Hemiltondan xallar alacaq — bizim üçün bu yaxşıdı. “Ferrari” isə etibarlılıq problemini həll edib, onların mühərriki indi daha güclüdü. Mühərrikdən danışırıqsa, rəqiblər üzərində böyük üstünlüyümüz yoxdu, həmçinin 2-ci dəfə yeni reqlament əsasında yarışacağıq. Bu üzdən güman edə bilərik ki, pelotonda sıxlıq daha da artacaq”.

Bildiyiniz kimi, “Formula-1” üzrə dünya çempionatında yeni mövsüm martın 3-5-i aralığında keçiriləcək Bəhreyn mərhələsi ilə start götürəcək. Fevralın 23-25-i aralığında isə elə orda mövsümöncəsi testlər olacaq.