Ronaldinyo futbola qayıdıb. Braziliya yığmasının sabiq oyunçusu yenidən yaşıl meydanda görünəcək.

Football-plus.az xəbər verir ki, onun peşəkar klubla anlaşdığını düşünməyin. 42 yaşlı sabiq hücumçu Krallar Liqasında (Media liqası) mübarizə aparan “Porkinos”da oynayacaq. Bu məlumatı çempionatın “tvitter” hesabı yayılıb. Xəbərdə DÇ-2002-nin qalibi olan Ronaldinyonun 8-ci turun “Pio” ilə matçında meydana çıxacağı da bildirilib.

Krallar Liqası “Barselona”nın sabiq müdafiəçisi Xerard Pike tərəfindən təşkil olunur. Bu turnirin oyunları 40 dəqiqəlik müddətdə keçirilir. Krallar Liqasında yarışan komandalarda Serxio Aquero və İker Kasilyas kimi məşhur sabiq futbolçular və şou-biznes ulduzları da çıxış edirlər.

Ronaldinyo karyerası ərzində “Qremio”, PSJ, “Barselona”, “Milan”, “Flamenqo”, “Atletiko Mineyro”, “Keretaro” və “Fluminense”də top qovub. Futbolçu həyatını 2018-ci ildə 37 yaşında rəsmi şəkildə başa vurub.

Onun Braziliya yığmasında 97 oyuna 33 qol vurduğunu da bildirək.