Qabriel Jezus Çempionlar Liqasında “Real”ın qapısına yol tapmaqla rekordçuya çevrilib.

Onun formasını daşıdığı “Mançester Siti” çərşənbə axşamı İspaniya klubuna evdə 4:3 hesabı ilə qalib gəlib. Komandasının ikinci qolunu vuran Jezus ÇL-də keçirdiyi 37-ci oyununda qol sayını 20-yə çatdırıb. O, bu turnirdə orta hesabla hər 106 dəqiqədən bir qol vurur. Bu isə ÇL-də azı 10 oyuna çıxan braziliyalı futbolçular arasında rekord göstəricidi.

25 yaşlı Qabriel bu planda Romario (hər 143 dəqiqədən bir qol vurub), Neymar (155), Ronaldo (208), Ronaldinyo (216), Rivaldo (218) və Kaka (220) kimi məşhur həmyerlilərini arxada qoyur.