''Qalatasaray''da bu mövsüm bir neçə vacib qollar vurmaqla komandaya qızıla bərabər xallar qazandıran Bafetimbi Qomislə bağlı Türkiyə mətbuatında maraqlı bir iddia ortaya atılıb.

Şaiyələrə inansaq, təcrübəli fransalı forvard mövsümün sonunda tək ''Cim-Bom''la yox, ümumiyyətlə futbolla vidalaşmağa hazırlaşır. Onun İstanbul nəhəngi ilə müqaviləsinin müddəti yayda başa çatacaq. Amma Qomis hələ ki, bu məsələ ilə bağlı rəsmi açıqlama verməyib.

37 yaşlı futbolçu cari ''futbol ili''ndə 20 rəsmi oyunda 10 qol, 3 məhsuldar ötürmə ilə fərqlənib. ''Qalatasaray''da ikinci dönəmini keçirən Qomis daha öncə ''Lion'', ''Marsel'', ''Suonsi'' və ''Əl-Hilal''da forma geyib.