Dünyanın aparıcı tennis qurumları kişi və qadın tennisçilərin növbəti reytinq cədvəlini açıqlayıb.

Football-plus.az xəbər verir ki, Peşəkar Tennisçilər Assosiasiyasının (ATP) reytinqində Karlos Alkaras zirvədəki yerini qoruyub. İllik yekun turnirin qalibi Novak Cokoviç “top-5”dədi, finalçı Kasper Ruud isə top-3”də. Ümumiyyətlə, kişilərin ilk “10-luğ”u ilə bağlı heç bir dəyişiklik yoxdu. Əvəzində reytinqlə bağlı başqa maraqlı məqam var. Rafael Nadal artıq 900 həftədi ki, ilk “10-luq” qərarlaşıb. 2005-ci il aprelin 25-də “top-10”a daxil olan 36 yaşlı ispaniyalı ulduz həmin vaxtdan bəri oranı tərk etməyib. ATP bayrağı altında keçirilən 92 turnirdə qalib gələn Nadal reytinqin ilk 10 pilləsində keçirdiyi vaxta görə dünya rekordçusudu.

Bu göstəricidə 2-ci pillədə amerikalı Cimmi Konnors (789 həftə) qərarlaşıb. Nadalın “Böyük dəbilqə” turnirlərində qələbə sayına (22) görə rekordçu olduğunu da xatırladaq.

ATP reytinqi
1 (1*). Karlos Alkaras (İspaniya) 6820
2 (2). Rafael Nadal (İspaniya) 6020
3 (3). Kasper Ruud (Norveç) 5820
4 (4). Stefanos Sisipas (Yunanıstan) 5550
5 (5). Novak Cokoviç (Serbiya) 4820
6 (6). Feliks Oje-Alyassim (Kanada) 4195
7 (7). Daniil Medvedev (Rusiya) 4065
8 (8). Andrey Rublev (Rusiya) 3930
9 (9). Teylor Frits (ABŞ) 3355
10 (10). Hubert Hurkaç (Polşa) 2905