Dünyanın kişi və qadın tennisçilərinin ənənəvi həftəlik reytinq cədvəli açıqlanıb.

Football-plus.az xəbər verir ki, peşəkar Tennisçilər Assosiasiyasının (ATP) kişilər üçün açıqladığı reytinqdə 19 yaşlı ispaniyalı Karlos Alkaras liderliyi qoruyub. İspaniyanın digər təmsilçisi Rafael Nadal isə 2-ci pilləyə yüksəlib. “Üçlüy”ü norveçli Kasper Ruud qapayır. Ümumiyyətlə, ilk “10-luq”da yeganə maraqlı məqam Nadal – Ruud yerdəyişməsi ilə bağlıdı.

АТР reytinqi
1 (1)*. Karlos Alkaras (İspaniya) 6740
2 (3). Rafael Nadal (İspaniya) 5810
3 (2). Kasper Ruud (Norveç) 5645
4 (4). Daniil Medvedev (Rusiya) 5065
5 (5). Aleksandr Zverev (Almaniya) 5040
6 (6). Stefanos Sisipas (Yunanıstan) 4810
7 (7). Novak Cokoviç (Serbiya) 3820
8 (8). Kemeron Norri (B.Britaniya) 3445
9 (9). Andrey Rublev (Rusiya) 3345
10 (11). Xubert Xurkaç (Polşa) 3175

Qadınların Tennis Assosiasiyasının (WTA) açıqladığı reytinq sıralamasında da ilk “10-luq”da dəyişikliklər var. Estoniyalı Anett Kontaveyt ispaniyalı Paula Badosanı qabaqlamaqla 3-cü pilləyə yüksəlib. Belaruslu Arina Sobolenko da amerikalı Cessika Pequlanı qabaqlayıb. Əvvəlki kimi sıralamaya 21 yaşlı polşalı İqa Sventek başçılıq edir.

WTA reytinqi
1 (1). İqa Sventek (Polşa) 10180
2 (2). Ons Jaber (Tunis) 4885
3 (4). Anett Kontaveyt (Estoniya) 4010
4 (3). Paula Badosa (İspaniya) 3934
5 (6). Arina Sobolenko (Belarus) 3470
6 (5). Cessika Pequla (ABŞ) 3447
7 (7). Mariya Sakkari (Yunanıstan) 3355
8 (8). Kori Qauff (ABŞ) 3047
9 (9). Simona Halep (Rumıniya) 3025
10 (10). Karolin Qarsiya (Fransa) 2930
* - əvvəlki reytinqdəki yerini göstərir.