Səbail (Bakı) – Zirə 2:0 (0:0)

1. Emil Balayev (k) – 5,0
5. Pyotr Stasyuk – 5,0
2. Adil Nağıyev – 5,5
23. Qustavo de Fransa – 5,5
6. Cabir Əmirli – 5,5
4. Maksim Çex – 5,0
99. David Qomis – 5,5
(9. Mirabdulla Abbasov, 70) – 5,0
8. Elmir Tağıyev – 5,0
(88. Matiya Lyuyiç, 76) – qiymətsiz
22. Samir Abdullayev – 5,0
(17. Rafael Məhərrəmli, 70) – 4,5
30. Franko Mazurek – 6,0
(77. Ədilxan Qarəhmədov, 82) – qiymətsiz
11. Qoba Zakpa – 5,5
Ehtiyat oyunçular
12. Hüseynəli Quliyev
15. Vüqar Həsənov
3. Turan Manafov
55. Nihad Qurbanlı
20. Mirəli Əhmədov
27. Emil Martinov
Baş məşqçi: Şahin Diniyev
Komandanın ən yaxşısı: Franko Mazurek

41. Anar Nəzirov – 4,5
32. Qismət Alıyev (k) – 4,5
96. Vild-Donald Gerye – 4,5
5. Moiz Adileu – 4,5
2. Sərtan Taşqın – 4,5
(21. Hacıağa Hacılı, 57) – 4,0
91. Coşqun Diniyev – 5,0
(66. Pərviz Azadov, 88) – qiymətsiz
23. Andriya Lukoviç – 4,5
(17. Toni Qomes, 57) – 4,5
14. Hamidu Keyta – 4,5
47. Məhəmməd Hamdaui – 4,5
9. Loris Broqno – 4,5
(11. Rüstəm Əhmədzadə, 88) – qiymətsiz
10. Rəhim Sadıxov – 4,5
Ehtiyat oyunçular
1. Mehdi Cənnətov
22. Nail Alışov
77. Mirsayib Abbasov
18. Slavik Alxasov
38. Ramiz Səmədov
70. İssa Cibrila
Baş məşqçi: Rəşad Sadıqov
Komandanın ən yaxşısı: Coşqun Diniyev
Qollar: D.Qomis, 48 (1:0). M.Abbasov, 78 (2:0, F.Mazurek).
Vərəqələr: Q.Zakpa, 20 (qeyri-idman hərəkəti). E.Tağıyev, 35 (qeyri-idman hərəkəti). S.Abdullayev, 64 (qeyri-idman hərəkəti). M.Hamdaui, 66 (qeyri-idman hərəkəti). Q.Alıyev, 90+4 (qeyri-idman hərəkəti) – sarı.
Hakimlər: RAUF CABBAROV, Cavanşir Yusifov, Rəhman İmami, Səbuhi Bayramov (hamısı Bakı).
VAR hakimi: Tural Qurbanov (Bakı).
VAR hakiminin köməkçisi: Vüsal Məmmədov (Bakı).
Hakim-inspektor: Babək Quliyev (Bakı).
AFFA nümayəndəsi: Asif Əliyev (Bakı).
12 fevral. Bakı. “ASCO Arena”. 500 tamaşaçı (3200 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 5,5.

Soyuq Bakı günündə maraqlı oyun izlədiyimizi söyləyə bilərik.

“Zirə” isə ümumilikdə ümidləri doğrultmadı. İlk hissədə “dənizçilər”in hücumları bəhrəsiz qalsa da, təhlükəli idi. Rəşad Sadıqovun komandası isə niyyətni həyata keçirə bilmirdi. Bəlkə də mərkəz müdafiəçisinin olmaması oyun sisteminin pozulmasına səbəb olmuşdu. Beləliklə, ilk hissədə “Səbail”in cəhdlərinə baxmayaraq, hesab açılmadı.

Fasilədən sonra isə “dənizçilər” daha üstün oyun sərgilədi. Şahin Diniyevin yetirmələrinin ilk hücüm cəhdi uğurlu oldu. Topu ələ keçirərək xeyli irəliləyən yeni transfer Qomis möhtəşəm zərbə ilə hesabı açdı. Qoldan sonra “Zirə”nin irəli atılacağını düşünmək olardı. Lakin bu baş vermədi. Ola bilsin, Şahin Diniyevin 4-4-2 sxemi Rəşad Sadıqovun planlarını alt-üst etdi. Gənc çalışdırıcı işlərin qaydasında getmədiyini görüb Hacıağanı Qismətin yerinə meydana buraxmaqla müdafiənin mərkəzində oynatdı. Geryeni isə sola çəkdi. Bununla hücumların sayı çoxalsa da, arxa xətdə boşluqlar yaranırdı. Sürətli futbolçulara malik “Səbail” də bundan yararlanıb fərqi artırdı. 78-ci dəqiqədə Mirabdulla qardaşının komandasını məyus edərək yekun nəticəni müəyyənləşdirdi – 2:0. Beləliklə, “Səbail” gözlənilmədən “Zirə”yə şok yaşatdı. Bununla həmçinin Rəşad Sadıqov “Zirə”də çalışdığı müddətdə ilk dəfə “Səbail”ə uduzdu.

Gözdən qaçmadı

* “Zirə”nin yeni transferi Eldar Quliyev ailəsi ilə birgə oyunu izləmək üçün stadiona gəlmişdi.
* Komandalar meydana Türkiyə bayrağının rənginə uyğun formalarla və əllərində plakatla çıxmışdı: “Geçmiş olsun, Türkiye! Dualarımız sizinle!”
* “Səbail”in ikinci qolu zamanı klubun operatorunun sevinci hamının diqqətini çəkdi: “Bu da ikinci qol”.
* Azarkeşlər oyun ərzində bir neçə dəfə “Türkiyə” şüarı səsləndirərək zəlzələdən əziyyət çəkənlərə mənəvi dəstək oldu.

İlkin Sultanlı