Adıyamanda zəlzələnin 113-cü saatında dağıntılar altından çıxarılan Məsut adlı bir yeniyetmənin videosu diqqət çəkib.

Football-plus.az xəbər verir ki, xilas olunduqdan sonra tibbi maşın ilə xəstəxanaya aparılarkən həkimlər onun videosunu çəkiblər.

Məlum olub ki, Məsut ''Fənərbaxça''lıdı və gənc ulduz Arda Gülərin böyük pərəstişkarıdı. O, bunları deyib:

''Arda Gülər səni çox sevirəm. ''Fənər''in xilaskarı olmaqda davam et. Baş məşqçiyə də deyin ki, səni tez-tez oynatsın. Çünki sənə şans vermir''.

Videonun qısa müddətdə sosial şəbəkələrdə yayılmasından sonra təbii ki, Arda Gülər də bundan xəbər tutdu. 17 yaşlı yarımmüdafiəçi də öz növbəsində video çəkərək möcüzəvi şəkildə həyatda qalmağı bacaran fanatın sözlərinə bu cür qarşılıq verdi: '

'Gözəl qardaşım, sən təslim olmadın və bunu bacardın. Öz mübarizənlə hər birimiz üçün ümid oldun. Səni çox sevirik. Özünə yaxşı bax. İnşallah tezliklə üzbəüz görüşərik''.