Bu gün 1-ci divizionda 2-ci dövrəyə start verildi. Lakin "İmişli" yenə də ev oyunlarını doğma publika önündə yox, Saatlıda keçirir.

Görəsən, komandanın öz stadionunda oynamasına nə vaxt icazə veriləcək? Bunu əngəlləyən hansı səbəblər var? "Football-plus.az" saytı olaraq bunu aydınlaşdırmaq üçün PFL-in texniki-idman direktoru Elgiz Abbasova müraciət etdik:

"İmişli stadionuna baxış keçirmişik. Orda nöqsanlar həddən çoxdu. Qazon bərbad durumdadı. Meydanda ot, demək olar ki, yoxdu. Otaqlar yararsız vəziyyətdədi, isti-soyuq su təminatında problemlər var. Qısası, stadion PFL-in təyin etdiyi minimum standartlara cavab vermir. Klub rəhbərliyinə nöqsanlarını demişik. Otaqlarda təmir işləri aparılsa, ot örtüyü yaxşılaşdırılsa, yenidən stadiona baxış keçirəcəyik. Minimum standartlar təmin olunsa, komandanın ev oyunlarını doğma meydanda keçirməsinə icazə veriləcək".

ABDULLA İSMAYILOĞLU